Transcription
1
Monsieur de Gordes, nay volu perdre ceste comodité sans vous fère scavoir de
2
mes novelles. Je ne vous menderay poinct de celles de monsieur de Rousset,
3
men remectant à ce quil vous en escript, bien vous diray-je quil nous
4
a faict fort bonne chère. Nous ny avons poinct veu mon frère de
5
Corbons, ny ma seur de Cereste ; je ne scay à quoy il aura tenu,
6
car il nous avoyt mandé pour seur quil y seroyt. Il y a huict jours
7
que monsieur le compte mavoyt envoyé quérir, je ny puis poinct aller
8
sy tost à cause que je ne me suys treuvé guières bien. Il fault que je
9
vous die que ce pandant que jay esté ça hault, lon ne ma guières
10
bien faict besongner à Grignan. Vous cognoissés la facillité du personnage,
11
il ny a que ce remède de patience ; aussi bien si je ne fusse venue
12
ça ault, jestoys si mal que je fusse tumber en quelque inconvenient
13
de malladie. En venant, je vis madamoiselle d’Ourche à Sainct
14
Gervais en fort bonne santé et me dict que vous debviés venir fère
15
lyver avec madame de Gordes en nos quartiers, et esperant avoir
16
ce bien de vous veoir, remectrey à vous dire le demeurant, si non que
17
jay esté bien fort ayse dentendre la bonne sancté de monsieur de Laval.
18
Je prie Dieu le vouloir conduire comme vous désirés, vous suppliant
19
me commander et croire que naurés jamais parente que de melheur
20
cueur vous obeysse et de telle voulunté que je sallue voz
21
bonnes graces de mes très humbles recommandacions, comme aussi faict ma
22
seur de Sainct Privast, en priant Notre Seigneur vous donner
23
Monsieur en perfaicte sancté longue très heureuse vye et ce que désirés. De
24
Gap, ce XXVI aoust 1572
25
Votre très humble et obeyssante cousine à vous fère service
26
Lucrece dantiboul